( يالـبــى الـعــرب )

(يالبى العرب)

ماحب كثر الفلسفه واصور احساسي وحيـد
....................لكن في بعض الامور النفس تشـرح حالهـا
شاعر وفي قافيته حـزن ومشاويـر وفقيـد
....................اصغر همومه لو نزل في نجد هـد جبالهـا

كم لي اخايل صورته والحلم كم مـره يعيـد
....................اطراف حكيه والرموش انعم بدفء ظلالهـا
لانسج من الشعر الخيال وعاطفة تصهر جليد
....................واسكب قصيدي في بيالتهـا علـى فنجالهـا

\
يالسكّره من شافها يذوب لـو قلبـه حديـد
....................ياللي من اوصاف الجمال الله رفـع منزالهـا
من كفها لاكفها احتار وش اوصـف وازيـد
....................ياسالبه كـل الوصـوف دقاقهـا واجلالهـا

كن الحكي من فمها معزوفة الفجـر البعيـد
.....................ولا تسـمع الا مـن ابـــو نـوره ، ويطــرب بالهــا
لا يابعد حلو القصيد من القديم الليا الجديـد
....................ومايشغل افكـار الـرواة بحلهـا وترحالهـا

/

يكفي ليا شفتك قريب اتبّسـم الحـظ العنيـد
....................واقـول يالبـى العـرب والله يسعـد فالهـا
عسى الفرح في دربها ويكتب لهاعمر ٍمديـد
....................وتعيش في أمن وسلام بعيـد عـن عذالهـا

يجري هواها في دمي من الوريد إلى الوريـد
....................وبغيابهـا مانـي بخيـر وحالتـي يرثالهـا
تبلدت كل المشاعر واصبح احساسـي بليـد
....................لو ينقطع حبل الوصل واعيش دون وصالها

لاشد وارحل والتقي بالهم والحـزن الاكيـد
....................من وين مالد النظـر اتخيـل انـي قبالهـا
واقلب الجوال واتذكر رسايلها بصندوق البريد
....................متى على الله تتصـل وتـدق مـن جوالهـا

اجمل التحايا ،،

ايش السالفه........

قصيده تلو اخرى......شكلك رايق

الله يسعدك

بس كلها روعه

لاشد وارحل والتقي بالهم والحـزن الاكيـد
....................من وين مالد النظـر اتخيـل انـي قبالهـا
واقلب الجوال واتذكر رسايلها بصندوق البريد
....................متى على الله تتصـل وتـدق مـن جوالهـا

صدق والله

كلمـاتك اروع من الخيــ/ــال
وأجمل من ضياء القمــر
فلهـاذا أوقفت ساحـات أفكـاري
]لكن أحتـار قلبي فيما يكتب لكِ ]
[]فكتب احترامي وتقديري لكِ و لجمال كلمــ/ـاتكِ]

دمت بحب وسعاده ..[/]