قصيدة محلواه !!!!!!!!!!!!!!!!!!!!!!

بسم الله الرحمن الرحيم
هاذي قصيدة رائعه اتمنا ان تنال اعجابكم
وشكرا ... مما راق لي


حتى وردني تالي الليل جوال
وانا على شاهي وبسكوت ديمه
الرقم بايخ لكن الصوت قتال
كنه مثل صوت المذيعه حليمه
قالت مساء الخير ياطيب الفال
قلت ارحبي ترحيبة مستديمه
بالعود والصفري ودلة وفنجال
واجبك يابنت الاصول الكريمه
ردت بضحكه ثم قالت وش الحال؟
قلت اشهد ان الحال عقبك سقيمه
قالت وهي تضحك بعد مثل الاطفال
واناا بعد كني بدونك يتيمه
من يوم قالتها تزلزلت زلزال
من فجعتي كني مسوي جريمه
قلت ارفعي صوتك ترى مابه ارسال
كذااب..لكن المصيبه عظيمه
قالت اقول اسمع ترى هرجنا طال
قالت تصاحبني تراني وسيمه
واسمي الحقيقي اول حروفه الدال
لكن يسموني البنات الزعيمه
صحيح احب الفخفخة واعشق المال
لكن..تراني طاهرة مستقيمه
ما عندي امغازل ولا(لعب وهبال)
ما عندي الا في الشرف والحشيمه
بس الصراحه قلبي لشوفتك مال
واصبحت وحدك جالس في صميمه
فكر بعقلك واترك القيل والقال
واحذر تطيع اهل العقول العقيمه
وارسل علي الحين خمسميه ريال
اشحن بها جوال اختي غنيمه
او طقم غالي فيه خاتم وسلسال
اروح به في عرس ولا عزيمه
انا الصراحه شبه عطال بطال
وعلاقتي بالفقر جدا حميمه
والراتب بلالاف والبنك شغال
ياكل فلوسي بالربا والظليمه
والسوق تحمل بس والحمل ينشال
خلك شديد الباس صلب العزيمه
ياخي تصرف على كل الاحوال
مادمت من اهل العقول الفهيمه
قلت ايه والله فاهم الي على البال
لكن ترى هذي علينا قديمه
يابنت هذا صاير اليوم موال
للي تبي تلعب على ابن اللئيمه
يابنت ماتدرين كم فيه محتال
يلعب على الحبلين وانتي غشيمه
يابنت كم من جاهله دمعها سال
من عقب ماجات العواقب وخيمه
والبنت لااقتفى عرضها بيد الانذال
والله ما يبقى لها اي قيمه
قالت تبي ولافخلك على جال
مهوب ناقصني نصايح حكيمه
عز الله انك للاسف منت رجال
وانك قليل الذوق مافيك شيمه
يالعنبو اللي مايسطرك بنعال
حتى يعلمك الغزل يابهيمه
تفو عليك وصكت الخط في الحال
مدري تفو هي مدح ولا شتيمه