داعي المع

يا داعي المع بنات الفكر مرهونه	تبّت يدا الشعر لوخيبت لك داعي
داعي رجال المع ان جا تكرم عيونه	لبيت وارخصت له متواضع ابداعي
وش عذري ابخل على اهل الشعر بشجونه	وارد صوت دعى واخيّب الساعي
كيف احرم الشعر ملقى سادة فنونه	والشاعر اقصى طموحه مستمع واعي
جيت المع اليوم ابانشد عزة متونه	عن المع الامس واسمع وانصت اسماعي
واقرا بصفحة ثراه وشامخ حصونه	قصة صمود تصبرني على صراعي
واحلف له اني على وده ولا اخونه	مهما تغير زمن ما غير اطباعي
مهما ركض وقتي بخطوات مجنونه	يعجز يغيرني ولو غير اوضاعي
مهما رحلت اطلب الرزق بفضا كونه	وابحرت اعاند شموخ الموج بشراعي
بابقى وتبقى عروقي الزرق مسكونه	بالحب لآرضي ولربوعي ومرباعي
ريفي جنوبي ولابن الريف قانونه	أحبّ من هامتي لين اظفر اصباعي
والبس من البرك والوزّاب وغصونه	والبندق ومجنده ميّل على ذراعي
في صف (دمّه) يسلي روح محزونه	ويفز له قلبي وترقص له اضلاعي
واطرب مع الصوت والمعراض وفنونه	صوت الرمي نوتتي و(الزامل) ايقاعي
جيتك ببنت القصيد العذب مرهونه	طلّقت من راسها لالبّي الداعي

يا ناشدتني وِشْ هو آخر جديدك	آخر جروحي في غرامك جديدي
وش عاد بيدي... كل شي صار بيدك	هَمّي وغمّي وابتسامي وعيدي
يا غايبه... كان القصايد تعيدك	ضَيّقت لك صدر الفضا من قصيدي
وان كان يزرعني السهَر في وريدك	سهرت لين يْنام ليلي على ايدي
وان كان جرحي يا حياتي يفيدك	طعنت بانصال الخناجر وريدي
هذا جديدي بس وش هو جديدك	غير الرحيل اليا سمعتي جديدي

سلمت يا نديم على الاختيار الموفق


وعلي السبعان شاعر مبدع وشفناه في شاعر المليون



شكرا لك ....


.