تقول " فهد المساعد " حيل معجبها

تقول فهد المساعد حيل مشقيها

علي آل جربوع فهد المساعد

تقول " فهد المساعد " حيل معجبها

فهد المساعد
شاعر ٌ أعشق ُ شعره
للجنون !!
فهو في كل ّ حالاته
مجنون !!

ولكن ::::::

doPoem(0)

يا ليتني مـا تعبـت أكتبـك يـا شِعـري
ما دام ما جبـت كلمـة حـب ّ تجذبهـا

محبوبتي صارحتني .. واقصمت ظهري
تقول " فهـد المساعـد " حيـل معجبهـا

يا ليتني " فهد " لجل تجوز عـن قهـري
ويا ليتني فهـد لأجـل أقصـد وأطربهـا

" يا اللّه " يا كثر ما هي دايمـا ً تطـري
اسمه ولا فكّـرت فـي قلـب صاحبهـا

دايـم تـردّد قصيـده دون مـا تــدري
وأموت غيرة وساكت لجل مـا أغضبهـا

والمشكلة وش عجبها فيـه أنـا مـدري
قصايـد الشعـر .. وإلا ّ وجـه كاتبهـا

إذا على الوجه _ عذرا ً _ وأطمح لعذري
مـا لـي سـوى خلقتـي والله مهذّبهـا

وإذا على الشعر ما شاعر علـى خبـري
يقدر بكـل ّ المعانـي وصـف حاجبهـا

لو كان يقدر أحدهـم كنـت مـن بـدري
كتبت فيهـا القصايـد دون مـا أحسبهـا

لكن ْ لها وصف ما يخطر علـى فكـري
لو جبت أحلى القصايـد .. مـا تناسبهـا

حتى " فهد " لو يناظر وجهها السحـري
يـروح يجمـع دواويـنـه ويشطبـهـا

أنام وأصحى وأنا محتـار فـي أمـري
وش راح أسوّي لها مـن شـان أعجبهـا

حيرة وغيرة وعشق وشوق في صـدري
متبعثـرة كلّهـا .. وشـلـون أرتّبـهـا

يا رب ّ زدني صبر لا قل ّ بي صبـري
وسامح " فهد " من طعون ٍ في ْ مسبّبهـا

وأجبر كسور القصايد لو علـى كسـري
يمكن مع الوقت لا ضاقت تحـس ّ بهـا

وإلا ّ تـردّد بعضْهـا لا طـرى ذكْـري
مع ْ أنّي ما اعتقـد .. وإبليـس راكبهـا

محبوبتـي هـذي الأشعـار يـا عمـري
فدوة عيونك مـن أرداهـا إلـى أعذبهـا

لكن تريني ولو مـا جـاز لـك شعـري
لو بـس قلتـي " فهـد " والله لأخرّبهـا

يكفي يا فهد أنّك حرّضتني على الكتابة .. ولا بيننا عتب !!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هذه قصيده لصديقي علي آل جربوع في منتديات شعبيات ولقد تلقى ردا من فهد المساعد على قصيدته..

ومن ارادها فقد كتبت في مجلة المختلف لروعتها..

يعطيك العافيه

انت والشاعر مبدعان

لك الود.....تحياتي

جميلة كثير اعجبتني والله فيها بعض المكنون بالصدر
سلمت يداك
تقبل مروري

الشعر ليس حكرا على شخص معين او فئه معينه

الشعر احساس يخالط المشاعر والاحاسيس

داخل كل انسان منا شاعر ....هاهو شاعرنا

ابدع فامتع ..... للشاعر ولكاتبها الشكر والتقدير

» تقول الله يطعني واقول......