ياكثرهم لا قلت لك عرفت وجيه .....

ياكثرهم لا قلت لك عرفت وجيه
ويا قلهم لا قلت قدر ومعزة

رجل تعزه بعد ما تلتقي فيه
ورجلٍ قبل لا تلتقي به تعزه

ورجلٍ ترزه بالمجالس مباديه
ورجل فلوسه بالمجالس ترزه

ورجلٍ يموت ولا يجيبون طاريه
ورجل يجي طاريه في كل حزه

ورجل ضعيف ويستفزه معاديه
ورجل كلام إعداه ما يستفزه

ورجلٍ يهزه بعض موقف ويشقيه
ورجل ماهوب ايات موقف يهزه

ورجلٍ تلزه يعترف لك بخافيه
ورجل على خافيه محدن يلزه

ورجلٍ يوزونه ويزعل من أخيه
ورجلٍ يّزعل من يحاول يوزه

ورجلٍ تكزه لازم إنك توصيه
ورجلٍ بليا ما توصيه كزه

ومن لا فرش للمرجله ماتغطيه
ومن لا يخز الناس محدن يخزه

الشاعر : خلف المشعان

مشكور على الذوق وعلى النقل...

ااختيار مميز لشاعر مميز ..

اختيار جميل
.. ااختيار موفق .. اختيار راائع

كلمات في غاية الجمال .. كلمات
ااغلبها عشناها في حياتنا وبالفعل حاصله

الف شكر على هالاختيار الجميل

وتقبل مروري يالغالي