سر ياقلم واكتب على ما طرالي

السلام عليكم ورحمة الله وبركاته

سر يا قلم واكتب على ما طرالـي
عبّرعن الضيقه بمضمون الاشعـار
وان كان نبعك جف والحبر خالـي
بسرج خيول الفكر وابشر بالاحبار
عد القريحه من عـذوب الزلالـي
والجو صافي والهواجيس حضّـار
سر يا قلم وانت الحكيـم المثالـي
وانت الذي تهدم وتبني لـك ادوار
واختارمن بيـن النـوادر جزالـي
بصف لك مكنوزها وانـت تختـار
بالسوق جمّلني ترى السوق غالـي
ترى المزاين دوم تفرق بالاسعـار
وانزل كما شامان وقـت النزالـي
حد ٍ بريع وفي اللقا سيـف بتـار
اللي صلا قلبه مـن الهـم صالـي
اعزف مواويله على كـل الاوتـار
وانصب لقيفان الهمـوم احتفالـي
دام الفرح غايب والاحـزان فجـار
ياصاحبي لحـن المشاعـر يلالـي
تعال ناخذ في دجى الليـل مشـوار
نسمرمع انجوم السمـا والهلالـي
ناخذ لنا من صفحة العمـر تذكـار
واذا ارتقينـا للسحـاب العوالـي
نهل دمع الفكـر صافـي ومـدرار
الهاجس اللي من حروفـه تمالـي
ترجم معاناته علـى متـن لشعـار
وانشده عن ذيك السنين الخوالـي
ايام ذقنـا مـن حلاهـا والامـرار
ودي اسولف لك عن اسباب حالـي
لو كان ما تقوى على كتم الاسـرار
الصدر ضايق حيل والصبر طالـي
والوقت لعمـار المخاليـق هـدار
وانا اللي اتعبنـي وزاد انشغالـي
حظ ٍ كسير ووقت قاسـي وجبـار
وهموم تشعل في الضمير اشتعالي
وسط الضماير يشتعل واهج النـار
ما جتني الدنيا على طيـب فالـي
تبدي لي بوجه ٍعبـوس ٍ وغـدار
كنت ازبن الهقوه على رجم عالـي
واكسر مجاديف الزمن عزم واصرار
اثر الهوى يثلم سيـوف الرجالـي
والناس تحكمها صواديف الاقـدار
ما كنت احَسْب حساب سود الليالي
ولا..عْوى سرحان في جرد الاقفار
والطيحه اللي تعتبـر راس مالـي
آمال مفقوده وحلـم الهـوى طـار
مدري سببها وقت ما قـد صفالـي
والا السبب في حظي ايدينه اقصار
اسـج بفكـاري يميـن وشمالـي
اقراء كفوف الوقت والوقـت دوار
شفت الزمن ماله رفيـق ٍ موالـي
اذا هدى ساعـه يباغتـك بعصـار
بصبر لو ان الصبر فاق احتمالـي
وانا على ما قيل صامـد وصبـار
يالله يا المعبـود يـا ذو الجلالـي
ياعالمـن بحوالنـا سـر وجهـار
تجلا همومن فوق صـدري ثقالـي
تطلع وتنزل كن ف القلب منشـار
انت العزيز اللـي عليـه اتكالـي
وانت الملاذ بوقت يسر ٍ وبعسـار
وفي الختام افضـل كـلام ٍ يقالـي
على النبي صلوعدد وبل الامطـار

سر يا قلم وأكتب كلامي بعد ما طال السكوت
كلمة وفا وابغاك يا راعي ألوفا تفطن لها
الناس في الدنيا تعيش و في آخر العمر بتموت
كالشجرة اللي مرها العبد وجلس في ظلها
الكل يفنى ما على الدنيا مقر ولا ثبوت
بعض المناوي يتعب الرجال ما يصل لها

مشكور ع القصيده الرائعه

أهون بيوت الخلـق عنـد الله بيـت العنكبـوت

وأعظـم بيـوت الله ليـا قـدر هدمهـا كلهـا

تب قبل ما تطوى السنين وموعد التوبة يفـوت

صـم زك حـج وجاهـدُ وكل الفرايض صلهـا

اذكر نهار يصير قبرك بيت من ضمن البيـوت

وأهل القبـور الله يعلـم دوم وش يحصل لهـا

ينزل عليك من السماء مرسول لا وصلك تموت

والـروح من بين الضلـوع الضيقـات يتلهـا

في ساعة والصـدر ما بين التضايق والكبـوت

كل العلوم اللي تـرى في القلب فمـك يهلهـا

يا لله تجعل قوتنـا يوم ألقيامـه خيـر قـوت

يا مـن تعـز بعزتـك قـوم و قـوم تذلهـا

هذي نصيحه قلتها مير السموحة في البيـوت

أخذ النصيحة و أنتفـع وأما القصيـدة خلهـا

نصيحة بأرفع بها صوتي وأزيد الصوت صوت

أقولهـا واللـي عقـد روس الحبـال يحلهـا

اشكر ع المرور

لك ودي